ਦੀਪਿਕਾ-ਰਣਵੀਰ ਨੇ ਦੀਵਾਲੀ ਮੌਕੇ ਫੈਨਜ਼ ਨੂੰ ਦਿੱਤਾ ਖਾਸ ਤੋਹਫਾ, ਬੇਟੀ 'ਦੁਆ' ਦੀਆਂ ਤਸਵੀਰਾਂ ਕੀਤੀਆਂ ਸਾਂਝੀਆਂ

ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਅਤੇ ਅਭਿਨੇਤਾ ਰਣਵੀਰ ਸਿੰਘ ਅਕਸਰ ਹੀ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਸੁਰਖੀਆਂ ਵਿੱਚ ਰਹਿੰਦੇ ਹਨ। ਸੋਸ਼ਲ ਮੀਡੀਆ ਤੋਂ ਲੈ ਕੇ ਖਬਰਾਂ ਦੇ ਬਾਜ਼ਾਰ ਤੱਕ ਇਹ ਜੋੜਾ ਛਾਇਆ ਰਹਿੰਦਾ ਹੈ। ਇਸ ਦੌਰਾਨ ਦੀਪਿਕਾ ਅਤੇ ਰਣਵੀਰ ਨੇ ਫੈਨਜ਼ ਨੂੰ ਦੀਵਾਲੀ ਦੇ ਮੌਕੇ 'ਤੇ ਖਾਸ ਤੋਹਫਾ ਦਿੱਤਾ ਹੈ। ਹੁਣ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਆਖਿਰ ਜੋੜੇ ਨੇ ਅਜਿਹਾ ਕੀ ਸਰਪ੍ਰਾਈਜ਼ ਦਿੱਤਾ ਹੈ, ਤਾਂ ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਇਹ ਉਨ੍ਹਾਂ ਦੀ ਪ੍ਰੋਫੈਸ਼ਨਲ ਜ਼ਿੰਦਗੀ ਨਾਲ ਜੁੜਿਆ ਹੋਇਆ ਨਹੀਂ ਹੈ।

ਜੋੜੇ ਨੇ ਸਾਂਝੀਆਂ ਕੀਤੀਆਂ ਬੇਟੀ ਦੀਆਂ ਤਸਵੀਰਾਂ

ਦੀਪਿਕਾ ਅਤੇ ਰਣਵੀਰ ਨੇ ਦੀਵਾਲੀ ਦੇ ਖਾਸ ਮੌਕੇ 'ਤੇ ਫੈਨਜ਼ ਨੂੰ ਵੱਡਾ ਤੋਹਫਾ ਦਿੰਦੇ ਹੋਏ ਆਪਣੀ ਬੇਟੀ ਦੁਆ (Dua) ਦੇ ਨਾਲ ਤਸਵੀਰਾਂ ਸਾਂਝੀਆਂ ਕਰ ਦਿੱਤੀਆਂ ਹਨ। ਸੋਸ਼ਲ ਮੀਡੀਆ 'ਤੇ ਦੁਆ ਦੀਆਂ ਤਸਵੀਰਾਂ ਆਉਂਦੇ ਹੀ ਛਾ ਗਈਆਂ ਹਨ। ਸੈਲੇਬਸ ਤੋਂ ਲੈ ਕੇ ਫੈਨਜ਼ ਤੱਕ, ਸਾਰੇ ਦੁਆ ਦੀਆਂ ਤਸਵੀਰਾਂ 'ਤੇ ਪਿਆਰ ਲੁਟਾ ਰਹੇ ਹਨ ਅਤੇ ਕਮੈਂਟਸ ਰਾਹੀਂ ਖੂਬ ਪਿਆਰ ਦੇ ਰਹੇ ਹਨ।

ਦੁਆ ਦੀ ਫੋਟੋ ਦੇਖਣ ਤੋਂ ਬਾਅਦ ਕਈ ਸੈਲੇਬਸ ਨੇ ਵੀ ਜਮ ਕੇ ਪਿਆਰ ਲੁਟਾਇਆ ਹੈ। ਰਕੁਲ ਪ੍ਰੀਤ ਸਿੰਘ ਨੇ ਲਿਖਿਆ, "ਗੌਡ ਬਲੈੱਸ।" ਜ਼ਹੀਰ ਇਕਬਾਲ ਨੇ ਲਾਲ ਦਿਲ ਦੀ ਇਮੋਜੀ ਭੇਜੀ। ਰਾਜਕੁਮਾਰ ਰਾਓ ਨੇ ਲਿਖਿਆ, "ਸੋ ਕਿਊਟ, ਗੌਡ ਬਲੈੱਸ ਯੂ।" ਭਾਰਤੀ ਸਿੰਘ ਨੇ ਦਿਲ ਅਤੇ ਨਜ਼ਰ ਦੀ ਇਮੋਜੀ ਸਾਂਝੀ ਕੀਤੀ ਹੈ। ਬਿਪਾਸ਼ਾ ਬਸੂ ਨੇ ਲਿਖਿਆ ਕਿ ਦੁਆ ਆਪਣੀ ਮਾਂ ਦਾ ਛੋਟਾ ਰੂਪ ਲੱਗ ਰਹੀ ਹੈ। ਐਟਲੀ (Atlee) ਨੇ ਲਾਲ ਦਿਲ ਦੀ ਇਮੋਜੀ ਸਾਂਝੀ ਕੀਤੀ ਹੈ।

ਇਸ ਤੋਂ ਇਲਾਵਾ ਫੈਨਜ਼ ਵੀ ਭਰ-ਭਰ ਕੇ ਕਮੈਂਟਸ ਕਰ ਰਹੇ ਹਨ। ਦੱਸ ਦੇਈਏ ਕਿ ਸਾਲ 2018 ਵਿੱਚ 14 ਨਵੰਬਰ ਨੂੰ ਦੀਪਿਕਾ ਪਾਦੂਕੋਣ ਅਤੇ ਰਣਵੀਰ ਸਿੰਘ ਦਾ ਵਿਆਹ ਹੋਇਆ ਸੀ। ਸਾਲ 2024 ਵਿੱਚ 8 ਸਤੰਬਰ ਨੂੰ ਦੀਪਿਕਾ-ਰਣਵੀਰ ਨੇ ਆਪਣੀ ਬੇਟੀ ਦਾ ਸਵਾਗਤ ਕੀਤਾ ਸੀ। ਬੀਤੇ ਮਹੀਨੇ ਯਾਨੀ 18 ਸਤੰਬਰ ਨੂੰ ਦੁਆ ਇੱਕ ਸਾਲ ਦੀ ਹੋ ਗਈ ਹੈ।

ਦੀਪਿਕਾ ਪਾਦੂਕੋਣ ਅਤੇ ਰਣਵੀਰ ਸਿੰਘ ਦਾ ਵਰਕਫਰੰਟ

ਇਸ ਤੋਂ ਇਲਾਵਾ ਦੀਪਿਕਾ ਪਾਦੂਕੋਣ ਅਤੇ ਰਣਵੀਰ ਸਿੰਘ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਦੀਪਿਕਾ ਪਾਦੂਕੋਣ, ਸਾਊਥ ਸੁਪਰਸਟਾਰ ਅੱਲੂ ਅਰਜੁਨ ਦੇ ਨਾਲ ਫਿਲਮ 'AA22xA6' ਵਿੱਚ ਨਜ਼ਰ ਆਉਣ ਵਾਲੀ ਹੈ। ਇਸ ਤੋਂ ਇਲਾਵਾ ਸ਼ਾਹਰੁਖ ਖਾਨ ਦੇ ਨਾਲ ‘ਕਿੰਗ’ (King) ਵਿੱਚ ਵੀ ਦੀਪਿਕਾ ਦਾ ਜਲਵਾ ਦੇਖਣ ਨੂੰ ਮਿਲੇਗਾ। ਉੱਥੇ ਹੀ, ਜੇਕਰ ਰਣਵੀਰ ਦੀ ਗੱਲ ਕਰੀਏ ਤਾਂ ਰਣਵੀਰ ਫਿਲਮ ‘ਧੁਰੰਧਰ’ ਨੂੰ ਲੈ ਕੇ ਸੁਰਖੀਆਂ ਵਿੱਚ ਹਨ।